ಅನುಪಮ:

ಅನುಪಮ:
ಕಣಕಣದಿ ಮಿಳಿತು ಬೆರೆತ
ಭಾವಬಿಂದು ಜೀವವೇ
ಅಣುಅಣುಗಳ ಸಾರ ಸಹಿತ
ಸುಮನೋಹರ ಮೋಹವೇ
ಚಿದ್ವಿಲಾಸ ಹಾಸವೇ
ನಡೆವ ಒಲವ ದೈವವೇ

ಪ್ರತಿ ಸ್ಮೃತಿಯಲಿ ಅನುರಣಿಸುವ
ಪರ ಆತ್ಮವ ಸ್ಪರ್ಷಿಸುವ
ಮನದ ಮುದದ ಚೇತನ
ಅವಿನಾಶಿ ಅನುಬಂಧ ರಿಂಗಣಿಸುವ
ಅನುರಣದಲಿ ಮಾರ್ಧನಿಸುವ
ಅನುಪಮ ಸುಮದ ಘಮದ ಧ್ಯಾನ
ಅನವರತ ಆರಾಧಿಸಿ ಸಿದ್ದಿ ಸಾಧ್ಯ
ಒಲವ ಆಪ್ತ ಸತ್ಕಾರ
ಪ್ರೇಮಪ್ರಣತಿ ಮೌನದಾರತಿ
ಸತತ ನಿರತ ಸಡಗರ
ಬದುಕು ವರ್ಣದಂಕುರ
ಹಸಿರು ಚಿಗುರು ನಿರಂತರ
ಹೊನ್ನ ಬೆಳಕು ಚೆನ್ನ ಥಳುಕು
ತುಂಬು ಹುಣ್ಣಿಮೆ ಆಹ್ಲಾದ
ತಂಪು ಕಂಪು ಸೊಂಪು ಇಂಪು
ಒನುಪು ಮುಡಿಪು ಗಂಧ
ಇರುಳಿನಂದ ಚೆಂದ
ನಿಜದ ಶೀತಲ ಬಂಧ
-ವಿಶ್ವಾಸ್ ಭಾರದ್ವಾಜ್
(ಪ್ರೇಮಿಗಳ ದಿನದ ಶುಭಾಶಯಗಳು)