Thursday 9 April 2015

ಮಯೂರ:


ನಲಿದು ನಲಿದು ಕುಣಿದು ನೆಗೆದು
ಉಲಿದು ಚಿಮ್ಮಿ ಅರಳಿ ಹೊರಳಿ
ಮತ್ತೆ ಬಂತು ಮಯೂರ
ಹೆಜ್ಜೆ ಹೆಜ್ಜೆ ಬೆಸೆದು ಬಳುಕೊ
ತಳುಕಿ ನಡೆವ ಹೊಳೆವ ಸೆಳಕು
ಹರಿವ ಹಾದಿ ಹತ್ತಿರ
ಬಂತು ಹಾರಿ ಮಯೂರ

ಗರಿ ಬಿಚ್ಚಿದ ಮನ ಮೆಚ್ಚಿದ
ಸೊಕ್ಕಿ ಕುಣಿದ ನಲಿವು
ಒಲವು ಚೆಲುವು ಬೆಸೆದು ಬೆರೆತು
ಲಾವಣ್ಯದ ಅರಿವು
ಹಾರಿ ಬಂತು ಮಯೂರ
ಮತ್ತೆ ಬಂತು ಮಯೂರ
ಮೇಘಕಾವ್ಯ ಕಣ್ಣ ತುಂಬಿ
ತುಂಬು ಸಂತಸ ಸಂಭ್ರಮ
ಗಿರಿಯ ತುದಿಯ ಮುಟ್ಟಿ ಬಂತು
ಮಲಯ ಮಾರುತ ಡಿಂಡಿಮ
ಮತ್ತೆ ಬಂತು ಮಯೂರ
ತಂತು ಸಮುಷ್ಟಿ ಸಡಗರ
-ವಿಶ್ವಾಸ್ ಭಾರದ್ವಾಜ್

No comments:

Post a Comment