ಅವಳಿನ್ನೂ ಬದಲಾಗಿಲ್ಲ!!

 

ಹಠಮಾರಿ ಹುಡುಗಿಯ ವಿನಾಕಾರಣ
ರಗಳೆ...
ಅರ್ಥವಾಗದ ಮುನಿಸು
ಸುಖಾಸುಮ್ಮನೆ ಸಿಡುಕು
ಕೊಂಚ ಹಾಗೆ ಕೊಂಚ ಹೀಗೆ
ಸಹಿಸಿಕೊಳ್ಳೋ ಗೆಳಯನಿಗೆ
ಅವಳು ಸ್ವಲ್ಪ ಮೂಡಿ
ಆದ್ರೆ ಒಳ್ಳೆಯವಳು
ಇನ್ನೂ ಹುಡುಗಾಟ ಸರಿ ಹೋದಾಳು
ಕೆಲ ಕಾಲ ಉರುಳಲಿ
ಕೊಂಚ ಬುದ್ದಿ ಬಲಿಯಲಿ
ತಿಳಿಸಿ ಹೇಳಿದರಾಯ್ತು
ಉರುಳುವ ಸಮಯವ ನೋಡುತ್ತಲೇ ಯೋಚಿಸುತ್ತಿದ್ದಾನೆ
ದೀವಾನ್ ಖಾನೆಯ ಆಳೆತ್ತರದ ಕನ್ನಡಿ
ಅಣಕಿಸುತ್ತಿದೆ ನೆರತ ಬಿಳಿ ಕೂದಲು
ಬೊಕ್ಕ ತಲೆಯ ನೋಡಿ